ზესტაფონის მუნიციპალიტეტს კომპანია „ჯორჯიან მანგანეზმა“ ქალაქის დასუფთავებისთვის განკუთვნილი ტექნიკა გადასცა

ტექნიკის გადაცემას კომპანიის წარმომადგენლებთან ერთად, ზესტაფონის საკრებულოს თავმჯდომარე ვახტანგ ღამბაშიძე, მერიისა და საკრებულოს ხელმძღვანელი პირები ესწრებოდნენ.

ვახტანგ ღამბაშიძემ, ადგილობრივი თვითმმართველობის სახელით, „ჯორჯიან მანგანეზის“ წარმომადგენლებს თანამშრომლობისთვის მადლობა გადაუხადა.