ზესტაფონში, სოფელ შროშის საუბნო გზის რეაბილიტაცია განხორციელდა

რეგიონული განვითარების ფონდის და მუნიციპალიტეტის თანადაფინანსებით, სოფელ შროშაში, ნახიდვრების უბანში არმირებული ბეტონის საფარი მოეწყო.

რეაბილიტირებული გზის მონიტორინგი ზესტაფონის მერმა- ვასილ გველესიანმა შესაბამისი სამსახურების წარმომადგენლებთან ერთად განახორციელა.

ინფრასტრუქტურული პროექტის ღირებულება 105 554 ლარია. რეაბილიტირებული საუბნო გზით ადგილობრივი მოსახლეობა მარტივად შეძლებს გადაადგილებას და ცენტრალურ მაგისტრალთან დაკავშირებას.