ზესტაფონის მერი ვახტანგ ღამბაშიძე, ახალგაზრდული თეატრ - სტუდია "მართვეს" წარმომადგენლებს შეხვდა და კინოაკადემიის ჯილდოზე ფილმის წარდგენა მიულოცა.

ახალგაზრდა მსახიობები, რეჟისორ ლევან კოღუაშვილის მხატვრულ ფილმში "გურია" მონაწილეობდნენ, რომელიც, საქართველოს სახელით იქნება წარდგენილი ამერიკის კინოაკადემიის ჯილდოზე საერთაშორისო სრულმეტრაჟიანი ფილმის ნომინაციაზე.

მერმა მოზარდებს სამომავლო საქმიანობაში მხარდაჭერა აღუთქვა და შემოქმედებითი წარმატებები უსურვა.

"თითოეული ჩვენგანისთვის უდიდესი სიამაყეა იმის გაცნობიერება, რომ აღნიშნული კინოსურათი ამერიკის პრესტიჟულ ჯილდოზეა წარდგენილი. რაც ახალგაზრდებისთვის და მთელი მუნიციპალიტეტისთვის უდიდესი აღიარებაა", აღნიშნა მერმა

შეხვედრას მუნიციპალიტეტის მერის მოადგილეები ზაზა ხვედელიძე და ნინო ჭაბუკიანი ესწრებოდნენ.